معلومات هامة عن دائره الالوان ( مهم )

بسم الله الرحمن الرحيم



هذه الدائره انكتبت فيها مواضيع كثيره بلنت لانها مهمه جدا ولايفوتنا باننا نكتب علي الزهور والتنسيق باني اتكلم عنها عشان نتعلم سوا ننسق بذوق وفن ، لكن انبهكم انه هذه الدائره تصلح لتنسيق اي شئ فيه الوان يعني مثال طلاء جدران غرف _ الوان اثاث _ الوان ملابس _ الخ


تعالو مع بعضنا نشوف وش بنستفيد منها وكلها دقائق معدوده ونفهم فاصبر وكمل الموضوع للنهايه..


هذه ياجماعه الخير تقول ان الالوان اصلها من ثلاثه الوان وهي الاحمر _ الازرق_الاصفر وسموها( الالوان الاساسيه )لانك ماتقدر تستنبطها من الالوان ثانيه....لكن

اذا خلطت لونين اساسين بنسب متساويه تقدر تطلع لون ثالث يسمونه (الالوان الثنائيه) يعني الالوان الاساسيه اذا خلطت لونين منهم بنسب متساويه وكل مره تجرب لونين تنتج ثلاث الوان اخري هي الاخضر_ البرتقالي _ البنفسجي وتسمي الالوان الثنائيه .

والالوان الثلاث الاساسيه والثلاث الثنائيه يسمونها ( الالوان الست القياسيه.)

اظن للحين مركزين ماشاء الله عليكم ...طيب وايش يصير اذا خلطنا لون اساسي مع لون ثنائي ؟

يصير عندك مجموعه الوان اخري يسمونها( الوان ثنائيه متوسطه) وعددها 6 وهي ( اخضر مصفر _ اخضر مزرق_بنفسجي مزرق_بنفسجي محمر_برتقالي محمر _برتقالي مصفر).

وكده نكون تحصلنا علي 12 لون وهذا هو مجموع الالوان الي في دائره الالوان ( 3 اساسي + 3 ثنائي + 6 ثنائي متوسط) .

اتفقنا خلااص علي هذي النقطه ونروح للبعدها ....

طيب ليه نقول برتقالي محمر او بنفسجي مزرق ؟
معناها في البرتقالي المحمر كان اللون الاحمر اكثر وضوحا يعني نسبته اكثر. وفي بنفسجي مزرق كان الازرق اكثر وضوحا ......لكن

قالك بعد ماانتاجو هذي الالوان قسموها الي قسمين الوان ساخنه والوان بارده وش يقصدون ؟

قالو الالوان الساخنه هي الاحمر والاصفر والبرتقالي وسموها ساخنه لانها تذكرر بلون النار والدم وهي مبعث الدفء.
والالوان البارده هي الازرق والاخضر والبنفسجي لانها تشبه لون السماء والماء وهم مبعث البروده.

للحين مركزين والله الصراحه انسجمت مع تركيزكم وتخليني اتحمس واكتب اكثر ....طيب

قالك انه كل لون جنب لون في دائره الالوان يسمونه لون متوافق مع الي جنب وهذا هو التوافق او الهرموني
وكل لون يقابل لون في الدائره يسمونه الوان متضاده اي contraste

وهنا في تنسيقك لي شئ فيه لون انت تختار تبي تنسق بطريقه التوافق او تنسق بطريقه التظاد لكن كل طريقه تستعمل وفق معايير مو تحط كده بكيفك ...ليش ؟

لانه قالو الالوان الساخنه تخلي المكان اكبر من مساحته الحقيقه لانها لها صفه الانتشار البصري.
اما الالوان البارده تخلي المكان اصغر من حجمه الحقيقي لانه لها صفه التقلص.

اتفقنا اظن ومافي مشاكل وعشان كده..

يوم كتبتللك كيف تنسق نباتااتك الداخليه قتللك في نقطه التركيز ( راجع الموضوع) انه اختار النبات ذو الالوان مزركشه ولاتتعمد علي جمال الاصيص ولكن بكل الاحوال لايحدث تنافر بينهم وادخل في اعتبارك لون الحائط لانه خلفيه للنباتات .

اما استعمالات الدائره في تنسيق الحديقه فاهذا موضوع ثاني نتكلم عنه يوم نبدا نكتب عن الحدائق المنزليه الخارجيه
لانه لسه باقي شوي ونخلص كل مايهم نباتات الداخليه باقي كيف نراعاها ونعرف امراضها وهذا هو موضوع القادم

رعايه النباتات الداخليه.

ملاحظه : ان اللون الاسود والابيض يسمونها الوان محايده لانها ماتدخل بلدائره الالوان وهي تتوافق مع كل المجموعات اللونيه .